Offerynnau statudol y mae angen i’r Cynulliad gydsynio â nhw - Y Pedwerydd Cynulliad

O dan rai amgylchiadau, bydd angen cydsyniad y Cynulliad ar rai offerynnau statudol a wneir gan Weinidogion y DU. Er enghraifft, rhai offerynnau statudol a wnaed o dan Ddeddf Diwygio Deddfwriaethol a Rheoleiddiol 2006 a Deddf Cyrff Cyhoeddus 2011.

Yn dilyn argymhelliad yn ein hadroddiad pwyllgor, Ymchwiliad i'r pwerau a roddir i Weinidogion Cymru yn Neddfau'r DU, cytunodd y Pwyllgor Busnes ar 25 Medi 2013 i gyflwyno Rheol Sefydlog 30A i ddarparu gweithdrefn i'r Cynulliad roi ei gydsyniad mewn perthynas ag offerynnau statudol y DU a wneir gan Weinidogion y DU, os oes angen ei gydsyniad. Mae'r Rheol Sefydlog yn darparu gweithdrefn debyg i honno ar gyfer Memoranda Cydsyniad Deddfwriaethol o dan Reol Sefydlog 29 ond yn ymwneud ag offerynnau statudol yn hytrach na Biliau ac yn cynnwys gofyniad i osod Memorandwm Cydsyniad Offeryn Statudol (SICM) a Chynnig Cydsyniad Offeryn Statudol. 

Memoranda Cydsyniad Offeryn Statudol a ystyrir yn unol â Rheol Sefydlog 30A

• SICM 1 - Gorchymyn Diwygio Deddfwriaethol (Taliadau Gan Gynghorau Plwyf, Cynghorau Cymuned Ac Ymddiriedolwyr Siarter) 2013
• SICM 2 - Gorchymyn Cyrff Cyhoeddus (Diddymu'r Pwyllgor Cynghori Ar Brisio Gwelliannau A Materion Hawliau Tenantiaid) 2014
• SICM 3 - Gorchymyn Cyrff Cyhoeddus (Diddymu Bwyd o Brydain) 2014
• SICM 4 - Gorchymyn Cyrff Cyhoeddus (Diddymu'r Pwyllgorau Cynghori ar Blaladdwyr) 2015

Offerynnau statudol y mae’n rhaid i’r Cynulliad gydsynio â nhw cyn y gellir cyflwyno Rheol Sefydlog 30A

• CLA CM1 - The Local Better Regulation Office (Dissolution and Transfer of Functions Etc) Order 2011
• CLA CM2– Memorandwm Cydsyniad ar gyfer Gorchymyn y Pwyllgor Cyngor ar Sylweddau Peryglus (Dileu) 2012
• CLA CM3 - Memorandwm Cydsyniad ar gyfer Gorchymyn Bwrdd Dyfrffyrdd Prydain (Trosglwyddo Swyddogaethau) 2012
• CLA CM4 - Memorandwm Cydsyniad ar gyfer The Public Bodies (Abolition of Her Majesty's Inspectorate of Courts Administration and the Public Guardian Board) Order 2012
• CLA CM5 – Cynnig Cydsynio ar gyfer Gorchymyn Cyrff Cyhoeddus (Diddymu’r Cyngor Cyfiawnder Gweinyddol a Thribiwnlysoedd) 2013