Mohammad Asghar (Oscar) AC

Hanes personol

Mae Mohammad – a elwir yn Oscar gan ei ffrindiau – ac a aned yn Pashawar, Pacistan, yn 1945 yn siarad Wrdw a Phwnjabeg yn rhugl.  Mynychodd Brifysgol Pashawar lle cafodd radd BA mewn Gwyddoniaeth Wleidyddol.  Yn ddiweddarach cwblhaodd ei hyfforddiant i fod yn gyfrifydd yng Ngholeg Nash, Casnewydd. Ar wahân i wleidyddiaeth, mae ei ddiddordebau’n cynnwys criced, athletau a badminton.

Cefndir proffesiynol

Treuliodd Mohammad lawer o’i yrfa broffesiynol yn gweithio i gwmni o gyfrifwyr siartredig yng Nghasnewydd, cyn dod yn bennaeth ei gwmni cyfrifyddiaeth ei hun.  Mae hefyd yn beilot cymwysedig.  Bu’n llywodraethwyr dwy ysgol yng Nghasnewydd.

Hanes gwleidyddol

Mae’n gyn-gynghorydd yn ninas Casnewydd, a safodd yn Etholiad y Cynulliad yn 2003 ac yn Etholiad Cyffredinol 2005.  Ymhlith diddordebau gwleidyddol Mohammad mae datblygu economaidd a brwydro yn erbyn allgau cymdeithasol. Pan gafodd ei ethol yn 2007 ef oedd AC cyntaf Cynulliad Cenedlaethol Cymru o grŵp lleiafrifoedd ethnig.