Kirsty Williams

Kirsty Williams AC

Brycheiniog a Sir Faesyfed (Democratiaid Rhyddfrydol)

Cefndir personol

Ganed Kirsty yn Taunton i rieni o Gymru. Pan oedd yn dair oed, symudodd ei rhieni yn ôl i Gymru a chafodd ei magu ym mhentref Bynea yn Sir Gaerfyrddin. Erbyn hyn, mae Kirsty yn byw ar fferm y teulu ger Aberhonddu gyda’i gŵr a’u tair merch ifanc.

Cefndir proffesiynol

Derbyniodd ei haddysg yn ysgol gynradd y pentref yn Sir Gaerfyrddin ac yn Ysgol St Michael, Llanelli. Aeth ymlaen i astudio ym Mhrifysgol Manceinion a Phrifysgol Missouri, cyn gweithio yng Ngholeg Sir Gâr a gweithio i gwmni bach yng Nghaerdydd fel Swyddog Marchnata Gweithredol.

Cefndir gwleidyddol

Etholwyd Kirsty Williams i’r Cynulliad am y tro cyntaf ym mis Mai 1999. Ym mis Rhagfyr 2008 daeth yn arweinydd ar Ddemocratiaid Rhyddfrydol Cymru a hi yw’r arweinydd fenywaidd gyntaf ar unrhyw un o’r pedair prif blaid wleidyddol yng Nghymru. Mae wedi cadeirio’r Pwyllgor Iechyd a Gwasanaethau Cymdeithasol, y Pwyllgor Safonau Ymddygiad a’r Pwyllgor Cynaliadwyedd.

Ymgysylltiadau

Dim