Russell George

Hanes personol

Ganed Russell yn y Trallwng yn 1974 ac fe’i magwyd yn Sir Drefaldwyn lle mynychodd yr ysgol. Mae ganddo radd mewn Astudiaethau Gwybodaeth a’r Cyfryngau o Brifysgol Canolbarth Lloegr.

Cefndir proffesiynol

Mae’n berchen busnes manwerthu yng nghanol y Drenewydd.

Hanes gwleidyddol

Cafodd Russell ei ethol ar Gyngor Sir Powys yn 2008 i gynrychioli ward Canol y Drenewydd. Cafodd ei ethol gan grŵp Ceidwadwyr Cymreig y Cyngor Sir i fod yn un o’i gynrychiolwyr ar Fwrdd Rheoli Gweithredol y Cyngor (2008 - 2011) lle daliodd y portffolio dros Wasanaethau Cwsmeriaid a TGCh.

Diddordebau gwleidyddol

Ymhlith diddordebau gwleidyddol Russell mae trafnidiaeth, diogelu amgylchedd Cymru, llywodraeth leol ac adfywio cymunedol.

Diddordebau personol

Ymhlith diddordebau personol Russell mae cadw’n iach; bu’n aelod o’r gampfa leol a’r clwb hyfforddiant cylchol am dros 10 mlynedd ac mae wedi dechrau ymddiddori mewn beicio’n ddiweddar. Mae’n aelod gweithgar o Eglwys Gymunedol Hope yn y Drenewydd a bu ynghlwm â llawer o brosiectau i gefnogi’r gymuned.

Cysylltiadau

Mae Russell yn llywodraethwr Ysgol Feithrin a Babanod Ladywell Green ac mae ar Fwrdd Coleg Powys ac mae hefyd yn aelod o Bwyllgor Rheoli Theatr Hafren.

Bywgraffiad fideo