Mick Antoniw

Cafodd Mick Antoniw ei ethol yn Aelod Cynulliad Llafur a’r Blaid Gydweithredol

Cefndir personol

Cafodd Mick Antoniw ei eni yn Reading a symudodd i Gymru i astudio’r gyfraith ym Mhrifysgol Caerdydd ym 1973, ac mae wedi byw yng Nghymru ers hynny. Mae Mick yn siarad Wcreineg, gan fod ei dad yn ffoadur o’r Wcrain ar ôl y rhyfel.

Mae’n briod ac mae wedi mabwysiadu tri phlentyn. Mae hefyd yn gyn riant maeth. Mae ganddo radd LLB.

Cefndir proffesiynol

Ym 1980, enillodd Mick ei gymhwyster fel cyfreithiwr, ac mae’n gyn bartner yn y cwmni cyfreithwyr Thompsons, yn arbenigo mewn achosion yn ymwneud ag anafiadau i’r meingefn ac anafiadau i’r pen a dynladdiad corfforaethol. Mae’n gymrodor Cymdeithas y Gyfraith Anaf Personol ac yn aelod o’r Gymdeithas Association of Trial Lawyers of America. Mae wedi darlithio’n eang ym maes iechyd a diogelwch a diwygio’r gyfraith.

Cefndir hanesyddol

Rhwng 1977 a 1979, Mick oedd Llywydd Undeb Cenedlaethol y Myfyrwyr (Cymru). Rhwng 1981 a 1989 roedd yn aelod o Gyngor Sir De Morgannwg. Mae’n un o ymddiriedolwyr Sefydliad Bevan, yn un o ymddiriedolwyr Cyngor Ffoaduriaid Cymru, yn Is-Lywydd Ymddiriedolaeth Gymunedol Brynsadler ym Mhontyclun, ac yn Is-Lywydd er anrhydedd yr elusen Seren i’r digartref.

Ymgysylltiadau

Mae Mick yn aelod o Gwreiddiau Llafur Cymru, y Blaid Gydweithredol, GMB a’r Musicians’ Union.