Mike Hedges

Cefndir personol

Mae Mike Hedges wedi byw yn Nhreforys ers blynyddoedd lawer, ond cafodd ei eni ym Mhlasmarl. Mae’n briod ag Anne ac mae ei ferch, Catrin, yn mynd i Ysgol Gyfun Bryntawe. Aeth i Ysgolion Plasmarl, Parklands a Penlan, ac yna i Brifysgolion Abertawe a Chaerdydd.

Mae ei ddiddordebau personol yn cynnwys chwaraeon a’r Eisteddfodau Cenedlaethol a’r Urdd.

Cefndir proffesiynol

Gwyddonydd ymchwil i Ddur Prydain ym Mhort Talbot oedd Mike yn wreiddiol, ond mae wedi treulio’r 27 mlynedd diwethaf yn darlithio ym maes cyfrifiaduron ym Mhontypridd.

Cefndir gwleidyddol

Mae Mike wedi cynrychioli ward Treforys ar Gyngor Abertawe ers 1989 ac mae wedi dal nifer o swyddi ar y cyngor, gan gynnwys Arweinydd y Cyngor. Ar hyn o bryd, mae’n is-gadeirydd pwyllgor craffu ac mae wedi bod yn llefarydd Cymdeithas Llywodraeth Leol Cymru ar wasanaethau cymdeithasol a gwybodaeth.

Gyda’i ddiddordeb brwd ym maes addysg, mae Mike wedi bod yn Llywodraethwr Prifysgol Abertawe, Athrofa Abertawe, Ysgolion Cyfun Mynyddbach a Threforys a Choleg Abertawe, ac ar hyn o bryd mae’n gadeirydd llywodraethwyr ysgolion cynradd Glyncollen ac Ynystawe.

Roedd yn un o gyfarwyddwyr anweithredol ymddiriedolaeth GIG Abertawe rhwng 1999 a 2005. Mae diddordebau gwleidyddol Mike yn cynnwys addysg, iechyd, llywodraeth leol, darpariaeth chwaraeon ac amddifadedd cymdeithasol

Ymgysylltiadau

Mae Mae gan Mike ymgysylltiadau â Chyfeillion y Ddaear, Oxfam ac Amnest Rhyngwladol.