Rebecca Evans

Astudiodd Rebecca Hanes ym Mhrifysgol Leeds. Enillodd radd Meistr mewn Athroniaeth hefyd o Brifysgol Caergrawnt. Mae Rebecca yn gyn Drefnydd Llafur yng Nghanolbarth a Gorllewin Cymru, ac yn gyn Uwch Ymchwilydd a Swyddog Cyfathrebu i Aelod Cynulliad.

Cyn cael ei hethol, bu Rebecca’n gweithio fel Swyddog Polisi a Materion Cyhoeddus i elusen anableddau genedlaethol. Gweithio ar ran pobl ag anableddau, eu rhieni a’u gofalwyr, a’r bobl broffesiynol sy’n gweithio gyda hwy fydd un o flaenoriaethau Rebecca yn y Cynulliad.

Mae Rebecca wedi caewl ei phenodi i’r Pwyllgor Iechyd a Gofal Cymdeithasol a’r Pwyllgor Amgylchedd a Chynaliadwyedd.

Mae Rebecca yn Is-Gadeirydd y Grŵp Trawsbleidiol ar Awtistiaeth ac yn Is-Gadeirydd y Grŵp Trawsbleidiol ar Gwrw a’r Dafarn. Mae hefyd yn Swyddog i’r Grŵp Trawsbleidiol ar Gyflyrau Newrolegol, ac yn un o noddwyr y Rhaglen Wybodaeth am Feddyginiaethau.